Օջալանի հնարավոր ուղերձի տարածումից հետո թուրք-քրդական հակամարտությունը մի նոր, ավելի արյունալի շրջափուլ է մտնելու․ փորձագետ
Թուրքիան ողջ ուժով անցել է կնճռոտ հարցերը լուծելու գործին։ Ֆիզիկապես Էրդողանի ենթակայության տակ գտնվող (բանտարկված) Օջալանի միջոցով փորձում են զինաթափել տարածաշրջանի քրդերին։
Էրդողանը շատ լավ է հասկանում, որ քրդերին իր դեմ են օգտագործում թե՛ ամերիկացիները, թե՛ իրանցիները, թե՛ ռուսները, թե՛ իսրայելիցները։ Հենց այս պատճառով փորձում է իր հարցերը քրդերի հետ լուծել իր լծակներով։ Գուցե հաջողվի ավելի խորացնել Թուրքիայի քրդերի և Սիրիայի քրդերի թշնամանքը, բայց դա չի փրկի Թուրքիային քրդական հարցից։ Մոտակա օրերին Օջալանի հնարավոր ուղերձի տարածումից հետո, որով քրդերին կոչ է անելու զինաթափվել, թուրք-քրդական հակամարտությունը մի նոր, ավելի արյունալի շրջափուլ է մտնելու։ Հենց այդ շրջափուլում էլ կստեղծվի քրդական պետությունը, որքան էլ դա չուզեն թուրքերի հետ իրանցիները, ռուսները, միևնույն է , ստեղծվելու է այդ պետությունը, որպեսզի ԱՄՆ-ն և Իսրայելը հաստատուն ներկայություն ունենան տարածաշրջանում քրդերի միջոցով։ Թուրք-քրդական հակամարտությունը վստահաբար թուլացնելու է Թուրքիային, Թուրքիայի դերի նշանակությունը էականորեն իջնելու է, փոխարենը հենց քրդական պետության դերն է բարձրանալու։ Թուլացած տնտեսությամբ Թուրքիան ի վիճակի չէ դիմակայել իր բոլոր այն հակառակորդներին, ովքեր աշխարհում թշնամի են միմյանց դեմ, բայց Սիրայում համագործակցում են իրար հետ․․․
Կարեն Հովհաննիսյանի ֆեյսբուքյան էջից
