Լոս Անջելեսում Գեթի կենտրոնը հայտնվել է պարտադիր տարհանման գոտում

Լոս Անջելեսում գտնվող Գեթի կենտրոնն ու Գեթի վիլլան պարտադիր տարհանման հրամաններ են ստացել քաղաքում հրդեհների պատճառով։

Артгид-ի հաղորդմամբ, ներկայումս նախապատրաստական աշխատանքներ են տարվում հավաքածուները փրկելու համար։ Թանգարանում պահվում են  Ռուբենսի, Ռեմբրանդտի, Դեգայի, Մոնեի և բազմաթիվ այլ արժեքավոր արվեստի գործեր։

Նախկինում թանգարանն իրեն «անվանել է» «հրդեհի ժամանակ արվեստի գործերի ամենաանվտանգ վայրը»:

Կենտրոնում, որը հանրության առջև բացվել է 1997 թվականին, պահվում են ավելի քան 125 000 արվեստի նմուշներ և 1,4 միլիոն փաստաթուղթ: