ՀՀ Հալեպի գլխավոր հյուպատոսն առայժմ իր աշխատանքնը շարունակում է Դամասկոսից
Հալեպում բախումների սաստկացումից հետո, երբ քաղաքն անցավ ընդդիմության վերահսկողության տակ, համայնքում նկատելի դարձավ, որ նախքան բախումները կսկվեին, ՀՀ Մարդասիրական խումբը մեկնել է Հալեպից, մեկնել է նաև ՀՀ Հալեպի գլխավոր հյուպատոսը, հաղորդում է «Գանձասարը»:
Համայնքի պատասխանատու մարմինները տեղյալ չէին նրանց մեկնումի մասին, ինչը մտահոգություն է առաջացրել համայնքի զավակների և պատասխանատուների մոտ։ Մամուլում մեր կողմից հնչեցրած մտահոգություններից հետո՝ ՀՀ Հալեպի գլխավոր հյուպատոսը կապ հաստատեց համայնքի պատասխաբատուների հետ և տեղեկացրել՝ նախքան բախումներն արդեն իսկ մեկնել էր Դամասկոս՝ իր հավատարմագրերը հանձնելու, ինչից հետո դեպի Հալեպ ճանապարհը փակվել է, և գլխավոր հյուպատոսն իր աշխատանքը շարունակում է Դամասկոսից։
Հիշեցնենք՝ Հայաստանի Հանրապետության գլխավոր հյուպատոսությունը սիրիական տագնապի ամենից բուռն տարիներին անգամ սերտ գործակցություն է ունեցել Հալեպի հայ համայնքի հետ։ Այս ծանր հանգրվանում ևս, ինչպես նախորդ տարիներին, Հալեպի հայ համայնքը ՀՀ Գլխավոր Հյուպատոսության հետ գործակցաբար կարևոր աշխատանք ունի՝ հասնելու համայնքի կարիքներին և նպաստելու նրա անվտանգությանն ու գոյատևմանը։
