Կիրանցից ահա այս թղթի հիման վրա հողերը հանձնեցին. Աճարկուտ համայնքի ավագանու նախկին անդամը փաստաթուղթ է հրապարակել
Կիրանցից ահա այս թղթի հիման վրա հողերը հանձնեցին, 30 տարվա ամրացրած, կահավորված առաջնագիծը փլուզեցին ու նվիրեցին թշնամուն։Այս մասին իր ֆեյսբուքյան էջում գրել է Աճարկուտ համայնքի ավագանու նախկին անդամ Կարեն Ղազարյանը հրապարակելով այն փաստաթուղթը, որով Կիրանցի բնակիչները հրաժարվել են իրենց պատկանող հողատարածքից:
«Ի՞նչ միջոցներից, և որքա՞ն գումար տրվեց ժողովրդին լռեցնելու համար
Ինչի՞ ստորագրեցին այս թուղթը «բացի 7 հոգուց»։
Ու՞մ են խնդրում, ինչի՞ համար
Բոլորիդ ուշադրությունն եմ հրավիրում, հատկապես լրատվամիջոցների և իրավապաշտպան կազմակերպությունների։
Հգ. Սա համազգային խայտառակություն է»,- գրել է նա:
Փաստաթղթում նշվում է, որ փոխհատուցում ստանալու դեպքում բնակիչը հրաժարվում է գույքային եւ ոչ գույքային պահանջներից ՀՀ-ի նկատմամբ:
