Ավստրալիայում մինչև 16 տարեկան երեխաները չեն կարող օգտվել սոցցանցերից
Ավստրալիայի կառավարությունն օրենք է ընդունել, որն արգելում է մինչև 16 տարեկան երեխաներին օգտվել սոցիալական ցանցերից։ «ՌԻԱ Նովոստի» գործակալության փոխանցմամբ, հինգշաբթի օրն այս հայտարարությունը հրապարակվել է այդ երկրի վարչապետ Էնթոնի Ալբանեզի կայքում։
«Կառավարությունն այսօր ներկայացրել է աշխարհի առաջատար օրենսդրությունը, որը սահմանում է նվազագույն տարիքը՝ 16 տարեկան սոցիալական մեդիայի օգտատերերի համար։ Սա ավելի մեծ պաշտպանություն կապահովի երիտասարդ ավստրալացիների համար՝ նրանց զարգացման կարևոր փուլերում», – ասվում է հայտարարության մեջ:
Նոր սահմանափակումների պահպանման պարտավորությունը կրելու են սոցիալական ցանցերը, նրանք պետք է ողջամիտ միջոցներ ձեռնարկեն, որպեսզի 16 տարեկանից ցածր օգտատերերը չկարողանան հաշիվներ ստեղծել։
Օրենքը խախտելու համար թվային հարթակները կարող են տուգանվել մինչև 49,5 միլիոն ավստրալական դոլարի չափով (32,3 միլիոն դոլար):
