Բիլ Գեյթսը կարծում է, որ Omicron-ով կավարտվի համավարակը

Ամերիկացի ձեռներեց և Microsoft-ի հիմնադիր Բիլ Գեյթսը կարծում է, որ կորոնավիրուսի Omicron շտամը կավարտի համաճարակի սուր փուլը և կհանգեցնի դրա ավարտին։ Այս մասին նա հայտարարել է գերմանական Suddeutsche Zeitung թերթին տված հարցազրույցում։

«Իմ հույսն այն է, որ Omicron-ից հետո վարակների ալիքը կլինի համաճարակի վերջին սուր փուլը»,- ասաց Գեյթսը:

Սակայն նա մտավախություն ունի, որ աշխարհում այլ ճգնաժամեր կհայտնվեն։

«Ահա թե ինչու հիմա ուղերձը պետք է լինի այն, որ  մենք բոլորս պետք է խելամտորեն պատրաստվենք այլ համաճարակների», – ավելացրեց միլիարդատերը:

Գործարարը նաև ընդգծել է, որ համաճարակային պատրաստության ոլորտում ներդրումները շատ ավելի քիչ են, քան այն վնասը, որը նա բերում է։

Դա նկատի ունենալով՝ Գեյթսը խորհուրդ է տալիս ներդրումներ կատարել երեք հիմնական ոլորտներում՝ վարակների հնարավոր բռնկումների մոնիթորինգ, հիվանդների ախտորոշման և բուժման վերաբերյալ միջազգային հետազոտություն և առողջապահական համակարգերի զարգացում:

«Այս համաճարակը ողբերգություն է դարձել բոլորի համար, մեր բախտը բերել է, այն կարող էր տասնապատիկ ավելի վտանգավոր լինել»,- եզրափակեց նա։