Հայ գործարարը Դուբայում 1 մլն դոլար է շահել

50-ամյա գործարարը դարձել է առաջին հայը, որը շահել է Dubai Duty Free (DDF) Millionaire  վիճակախաղում։ Gulf News–ի փոխանցմամբ, 50-ամյա Աբրահամ Մելքոնյանը երեքշաբթի տեղի ունեցած վիճակախաղում շահել է 1 մլն դոլար։

Նա երեք երեխա ունի, արդեն 32 տարի ապրում է Դուբայում։ Գործարարը Դուբայում ու Շարժայում ծանր տեխնիկայի բիզնեսով է զբաղվում։

Հաղթական տոմսը գնել էր օնլայն տարբերակով նոյեմբերի 18-ին։ Մելքոնյանը նախատեսում է շահած գումարով ավելի մեծ տուն կառուցել, բարելավել իր բիզնեսը և բարեգործություն անել։