Իրանում կորոնավիրուսից հայ կին է մահացել. ԱԳՆ-ը հաստատել է
Իրանում նոր տիպի կորոնավիրուսից (COVID-2019) հայազգի Իրանի քաղաքացի է մահացել: Ավելի վաղ LIVEnews.am-ի հաղորդած տեղեկությունը հաստատեց ՀՀ արտաքին գործերի նախարարության մամուլի քարտուղար Աննա Նաղդալյանը:
«Արևելք»-ը մանրամասներ էր հայտնել հայ կնոջ մասին. նա 85-ամյա Էլսիկ Մասիհն է, որը մեկ շաբաթ առաջ էր տեղափոխվել Թեհրանի «Մասի» Դանեշվարե հիվանդանոց։ Այն համարվում է կորոնավիրուսի բուժման գլխավոր հաստատություններից մեկը։
Իրանում անցած օրվա ընթացքում գրանցվել է նոր տիպի կորոնավիրուսով վարակվածների ռեկորդային թիվ՝ 1234 դեպք: Վարակվածների ընդհանուր թիվը 4747 է, մահացել է 124-ը։