Հունգարիան չի մասնակցի Եվրատեսիլին սեռական ոչ ավանդական կողմնորոշում ունեցողների պատճառո՞վ
Հունգարիան որոշել է հաջորդ տարի իր մասնակցին չուղարկել Եվրատեսիլ սեռական ոչ ավանդական կողմնորոշում ունեցողների պատճառով: Այս մասին գրել է «ՌԻԱ Նովոստի»-ն։
Նշվում է, որ երաժշտական մրցույթին մասնակցությունից հրաժարվելու պաշտոնական պատճառներ չկան, սակայն այս որոշումը կարող է կապված լինել երկրի վարչապետի՝ «ընտանիքն առաջին տեղում» քաղաքականության հետ, որն ուղղված է ավանդական արժեքների պահպանմանն ու երկրում ծնելիության խթանմանը։
Լրատվամիջոցների տեղեկություններով՝ չնայած Հունգարիան հրաժարվել է Եվրատեսիլին մասնակցությունից, սակայն երաժշտական մրցույթի ցուցադրությունը չի կասեցվի հունգարական հեռուստատեսությունում:
Եվրատեսիլ-2020-ը կանցկացվի Ռոտերդամում մայիսի 12-ից 16-ը:
