Խախտվել է զինադադարի ռեժիմը. թուրքերը ցանկանում են սպանել Արցախի հայությանը
Կովկասյան թաթարներն ու թուրքերը վերսկսել են պատերազմը Արցախում: Արցախ-ԼՂՀ Պաշտպանության բանակը հայտնել է Հադրութի ուղղությամբ դիրքերում ադրբեջանական զորքերի հետ փոխհրաձգության մասին: Համապատասխան հայտարարությունը դեկտեմբերի 12-ին տարածել է Արցախի ՊՆ մամուլի ծառայությունը: Դրանում ասվում է, որ կովկասա-թաթարական զինվորականները փորձել են հարձակվել ԼՂՀ ՊԲ դիրքի վրա, որի հետևանքով երեք զինծառայող վիրավորվել է: «Դեկտեմբերի 11-ին, ժամը 20.40-ի սահմաններում հակառակորդը փորձել է հարձակվել պաշտպանական բանակի հարավային ուղղությամբ տեղակայված մարտական դիրքերից մեկի վրա: Փոխհրաձգության արդյունքում երեք պահեստայիններ տարբեր ծանրության հրազենային վնասվածքներ են ստացել»,- ասված է հայտարարության մեջ:
Սա առաջին զինված միջադեպն է, որը տեղի է ունեցել հակամարտող կողմերի միջև ռուսական խաղաղապահ զորախմբի մուտքից հետո: Մենք դեռ նոյեմբերին նախազգուշացնում էինք Հայաստանի քաղաքացիներին, որ կապիտուլյանտ ու ազգասպան Փաշինյան-«փաշան» ստանալու է և՛ խայտառակություն, և՛ պատերազմ. իր կողմից ստորագրված այդպիսի «հողի բաժանման» պարագայում խաղաղություն չի լինելու։ Մի փոքր ավելի ուշ՝ դեկտեմբերի 12-ին, ԼՂՀ Պաշտպանության բանակի տեղեկատվությունը հաստատել է նաև Ռուսաստանի Պաշտպանության նախարարությունը, որը արձանագրել է, որ հրադադարի ռեժիմի խախտման առաջին դեպքը գրանցվել է հակամարտության գոտում`ռազմական գործողությունների ավարտից և տարածաշրջանում ռուսական խաղաղապահ գործողության սկսվելուց ի վեր: «Ռուսական խաղաղապահ ուժերը շարունակում են առաջադրանքներ իրականացնել Լեռնային Ղարաբաղի տարածքում: Դիտարկման 23 կետերում ռուս խաղաղապահները իրականացնում են իրավիճակի շուրջօրյա դիտարկում և վերահսկում: Դեկտեմբերի 11-ին Հադրութի շրջանում արձանագրվել է հրադադարի ռեժիմի խախտման մեկ դեպք»,- տեղեկացրել են ՌԴ ՊՆ-ից:
Հայաստանի իշխանություններից հույս չկա. նրանք չեն ցանկանում պաշտպանել նույնիսկ Սյունիքի և Գեղարքունիքի մարզերի տարածքները: Ոչ ոք չի պիտի սպասի ճշմարտություն պաշտոնական Երևանից: Եվ մենք ստիպված կլինենք կենտրոնանալ Արցախի հատվածական հաղորդագրությունների վրա, որպեսզի գոնե մի փոքր հասկանանք, թե ինչ է կատարվում: Այսպիսով, պանթուրքիստները սկսել են գրոհներ իրականացնել Հադրութի շրջանի Հին Թաղեր և Խծաբերդ գյուղերի ուղղությամբ: Խծաբերդի ինքնապաշտպանական ջոկատը և պահեստազորայինները համապատասխան գործողություններ են ձեռնարկել թշնամու ակտիվությունը ճնշելու համար: ԼՂՀ Հադրութի շրջանի նշված երկու գյուղերը մնացել են հայկական կողմի վերահսկողության տակ, մինչդեռ, նոյեմբերի 9-ի եռակողմ հայտարարության համաձայն, այս շրջանի զգալի մասը վերածվել է կովկասյան թաթարների կողմից օկուպացիայի գոտու: Արցախի նախագահի խորհրդական Դավիթ Բաբայանը ճիշտ է. դա սադրանք է պանթուրքիստների կողմից ոչ միայն հայերի, այլև Ռուսաստանի դեմ: «Հնարավոր է, որ հետագայում նման սադրիչ գործողությունները շարունակվեն, բայց կարծում եմ, որ պատասխանը կլինի կոշտ, այդ թվում` խաղաղապահների կողմից: Մենք պետք է պարզենք հանգամանքները, որպեսզի հասկանանք, թե ինչպես է տեղի ունեցել ամեն ինչ»,- ասել է Բաբայանը: Ի դեպ, խորհրդականը շեշտել է, որ թշնամու նման գործողությունների մասին անհանգստանալու կարիք չկա. շատ ավելի վտանգավոր են, նրա կարծիքով, Թուրքիայի և կովկասյան թաթարների հետ հարաբերությունների բարելավման կոչերը: Եվ նա ճիշտ է՝ մենք անվերապահորեն համաձայն ենք նրա հետ:
Բայց խնդիրն այն է, որ ռուս խաղաղապահները… չեն միջամտել, բացառությամբ հետևյալը. «Լեռնային Ղարաբաղի Հադրութի շրջանում ավտոմատ զենք կրակելու դեպքից հետո հակամարտության կողմերին տեղեկացվել է ամբողջական հրադադարի ռեժիմը պահպանելու պահանջի մասին»,- լրագրողներին հայտնել է Ռուսաստանի խաղաղապահ ուժերի շտաբի ներկայացուցիչը: Վերջ, և, ամենայն հավանականությամբ, այս արցախյան գյուղերը ևս կորած են հայ ազգի համար՝ վաղ, թե ուշ: Ինքնապաշտպանության ստորաբաժանումը բացի գնդացիրներից և այլ թեթև հրազենից՝ ոչինչ չունի: Եթե դեկտեմբերի 11-ին և 12-ին մեր եղբայրները չեն հեռացել իրենց դիրքերից, ապա վաղ, թե ուշ նրանք կհեռանան, եթե լուրջ օգնություն չլինի: Այսպիսով, պանթուրքիստները տորպեդահարում են եռակողմ խաղաղության հայտարարությունը, համաձայն որի կողմերը կանգ են առնում իրենց գրավված դիրքերում, իսկ ռուս խաղաղապահները հանդես են գալիս որպես երաշխավորներ: Տեղեկություններ կան, որ զավթիչները մտադրություն են ցուցադրել գրավել նաև Հադրութի շրջանի Մեծ Շեն և Հին Շեն գյուղերը…
Պետք է տեղի ունենա արագ, սակայն մանրակրկիտ հետաքննություն պանթուրքիստների կողմից հարձակողական ռազմական գործողությունների վերսկսման բոլոր հանգամանքների վերաբերյալ: Բոլորս՝ Հայաստանի քաղաքացիներ և արցախցիներ, պարտավոր ենք ռուս դեսանտայիններից պահանջել ճնշել պանթուրքիստների զինված սադրանքները: Եվս մեկ անգամ կրկնում ենք մեր հարցերը, որոնք Վլադիմիր Պուտինին ուղղել ենք 2020 թ. նոյեմբերի 27-ին մեր կայքում. 1) ինչն է խանգարում Ռուսաստանին իրականում ընդլայնել իր խաղաղապահ առաքելությունը. ենթադրենք, ընդլայնել դրա սահմանները գոնե մինչև այն շրջաններն ու բնակավայրերը, որոնք դարեր շարունակ եղել են հայկական և անձամբ պաշտպանել ոչ միայն եկեղեցիները, այլև Արցախի ժողովրդին: 2) Վլադիմիր Պուտին, դուք պանթուրքիզմի և ցեղասպանությունների կողմի՞ց եք, թե ոչ:
Սերգեյ Շաքարյանց
