Այնպես չէ, որ Ռուսաստանը համաձայն է Հարավային Կովկասում թուրքական ազդեցության մեծացմանը․ ռուս քաղաքագետ
Ռուսաստանը հաշվի է առնում Հարավային Կովկասի քաղաքական և տնտեսական իրողությունները: Այս մասին հունիսի 12-ին «ՌԴ և ՀՀ արտաքին քաղաքական գերակայությունները հետխորհրդային տարածքում» կլոր սեղանի քննարկմանը հայտարարել է Տնտեսագիտության բարձրագույն դպրոցի Ռազմական տնտեսագիտության և ռազմավարության ինստիտուտի գիտական ղեկավար Դմիտրի Տրենինը։
«Ռուսաստանը կայսրություն չէ, մենք դուրս ենք եկել կայսերական դարաշրջանից, Ռուսաստանի և Թուրքիայի միջև Անդրկովկասի համար պայքար չկա։
Ռուսաստանի հարաբերությունները Թուրքիայի հետ շատ բարդ են, դրանք համատեղում են համագործակցության և փոխգործակցության տարրերը մրցակցության տարրերի հետ, բարեբախտաբար, դեռևս ոչ թշնամական:
Ռուսաստանը ձգտում է ամեն կերպ խուսափել թշնամանքից, ինչպես և Թուրքիան։ Այսօր ոչ ոք Թուրքիայի հետ կապված պատրանքներ չունի։ Բայց այս երկիրն այսօր Ռուսաստանի շատ կարևոր կոնտրագենտ է։
Ռուսաստանը փորձեց, և մասամբ հաջողվեց, 2020 թվականին ղարաբաղյան հակամարտության հետ կապված բարդ իրավիճակում հասնել եռակողմ հայտարարության, այլ ոչ քառակողմ և համաձայնել ռուս-թուրքական առաքելության շրջանակներում Թուրքիայի պաշտոնական ռազմական ներկայությանը։
Հետո, իհարկե, կարելի էր Թուրքիային խարանել, բայց ի՞նչ կշահեր Ռուսաստանի արտաքին քաղաքականությունը սրանից։ Մեկ այլ ճակատ:
Ռուսաստանն այսօր ավելի քիչ ռեսուրսներ ունի, քան նախկինում ուներ Ռուսական կայսրությունը Օսմանյան կայսրության հետ հարաբերություններում և ավելի քիչ ռեսուրսներ՝ քան ԽՍՀՄ-ը։
Այնպես չէ, որ Ռուսաստանը համաձայն է թուրքական ազդեցության մեծացմանը, Ռուսաստանը դա պարզապես դիտարկում է որպես աշխարհաքաղաքական իրողություն։
Ռուսաստանի Դաշնության ապագան կախված կլինի նրանից, թե ինչպես, երբ և ինչպես կավարտվի հատուկ ռազմական գործողությունը։
Եթե Ռուսաստանը հասնի հաղթանակի, ապա բոլորովին այլ իրավիճակ կլինի, և Ռուսաստանը շատ ավելի ակտիվ կգործի այլ ուղղություններով, և դա գիտի Թուրքիան, որն իր դիրքորոշումն է ընդունել Ուկրաինայի պատերազմի վերաբերյալ, և այդ դիրքորոշումը ռուսամետ չէ» – ընդգծել է Տրենինը: