Էրդողանն ու Փաշինյանը կհանդիպեն հինգշաբթի Պրահայում. «Միլիեթ»
Թուրքիայի նախագահ Թայիփ Էրդողանի և Հայաստանի վարչապետ Նիկոլ Փաշինյանի առաջին դեմառդեմ հանդիպումը նախատեսվում է հինգշաբթի՝ հոկտեմբերի 6-ին, Երևանի ժամանակով 20:00-ին Պրահայում, փոխանցում է թուրքական «Միլիեթ» թերթը։
Այդպիսի հանդիպման հնարավորության մասին հայտարարում էին թե՛ Թուրքիայի նախագահը, թե՛ Հայաստանի վարչապետը։ Այն կդառնա Թուրքիայի և Հայաստանի ղեկավարների առաջին դեմառդեմ հանդիպումը հարաբերությունների կարգավորման գործընթացի վերսկսումից ի վեր։
