Թվային քվեարկությունը մեծ թերություն ունի․ թուղթը պետք է մնա. Վահագն Հովակիմյան
«Բոլոր այն երկրները, որոնք անցել են բացառապես թվային քվեարկության, կամաց-կամաց հետ են վերադառնում թղթայինին։ Թվային քվեարկությունը մի հատ մեծ թերություն ունի, երբ, որ կա վիճարկում՝ հնարավոր չէ ապացուցել»,-ԱԺ պետական-իրավական հարցերի մշտական հանձնաժողովում ասաց ԿԸՀ նախագահ Վահագն Հովակիմյանը՝ զեկուցելով Հայաստանի Հանրապետության կենտրոնական ընտրական հանձնաժողովի 2022-2023 թթ. գործունեության մասին հաղորդումը։
Նրա ներկայացմամբ՝ երբ չկա թուղթը՝ քվեաթերթիկը և որևէ քաղաքական ուժ հայտարարում է, որ ընտրությունները կեղծված են, եթե չկա թղթային հենքը, ապա՝ վերջ՝ այդ կասկածը մնում է չփարատված։
Հովակիմյանի խոսքով՝ բողոքի դեպքում ֆիզիկապես հնարավոր է թվային տարբերակը վերահաշվարկել և կասկածները փարատել։
«Ժողովրդավարությունը և լեգիտիմության կարևորությունը հաշվի առնելով, թուղթը պետք է մնա»,-ասաց Վահագն Հովակիմյանը։
