«Հայկական ատոմային էլեկտրակայան»-ը և «Ռուսատոմ սերվիս»-ը ստորագրեցին հովացման համակարգերին առնչվող պայմանագիր
Սոչիում ընթացող AtomExpo-ի շրջանակներում «Հայկական ատոմային էլեկտրակայան» ՓԲԸ գլխավոր տնօրեն Էդուարդ Մարտիրոսյանն ու «Ռուսատոմ սերվիս» ընկերության գլխավոր տնօրեն Եվգենի Սալկովը ստորագրեցին «Պատասխանատու սպառիչների հովացման համակարգի նախագծման մոնտաժի և ամբողջական տեղադրման աշխատանքների վերաբերյալ» պայմանագիրը:
«Դա կարևոր նշանակություն ունի մեր ատոմակայանի անվտանգության համակարգերի հովացման վթարային իրավիճակների: Մենք ունենք գործունակ համակարգ, բայց որոշել ենք արդիականացնել և նոր համակարգ ներդնել: Ամբողջ ծրագիրը շահագործման ժամկետի երկարացման առաջին փուլով է ներդրված. կառավարության կողմից ներկայացվել է համապատասխան ֆինանսավորում և շահագործման ժամկետի երկարացման առաջին ծրագրի ավարտական փուլում իրականացվելու է համակարգի առողջության ներդումը մեր հայկական ատոմակայանում: Իրականացրել ենք բազմաթիվ մրցույթներ, սակայն պրոֆեսիոնալ թիմ ունեցող կազմակերպություն չի եղել, այդ իսկ պատճառով չեղարկվել են վերջին երեք մրցույթները. սա արդեն չորրորդ մրցույթն է: Մրցութային գործընթացում միակ ընկերությունը շատ խիստ չափորոշիչներով «Ռուսատոմ սերվիս» կազմակերպությունն է։ Պայմանագրային գումարը կազմել է շուրջ 6 մլն դոլար: Սա բավականին լուրջ նախագիծ է և մեծ ազդեցություն կունենա մեր ատոմակայանի անվտանգության բարձրացման և շահագործման ժամկետի երկարացման առումով»,- նշեց Մարտիրոսյանը:
