ԵՄ-ն Ուկրաինային աջակցում է ոչ թե ուկրաինացի ժողովրդի հանդեպ սիրուց դրդված, այլ այն պատճառով, որ դա բխում է իր շահերից․ Բորել

ԵՄ դիվանագիտության ղեկավար Բորելը հայտարարել է, որ ԵՄ-ն Ուկրաինային աջակցում է ոչ թե ուկրաինացի ժողովրդի հանդեպ սիրուց դրդված, այլ այն պատճառով, որ դա բխում է իր շահերից։ Այս մասին փոխանցում է «ՌԻԱ Նովոստի»-ն։

«Մենք չենք կարող թույլ տալ, որ Ռուսաստանը հաղթի այս պատերազմում: Հակառակ դեպքում, ԱՄՆ-ի և Եվրոպայի շահերը լրջորեն կվնասվեն: Սա միայն առատաձեռնության մասին չէ: Խոսքը Ուկրաինային աջակցելու մասին չէ, քանի որ մենք սիրում ենք ուկրաինացի ժողովրդին: Այստեղ մեր սեփական շահն է: Եվ դա բխում է նաև Միացյալ Նահանգների շահերից՝ որպես գլոբալ խաղացողի»,- ասել է Բորելը ամերիկյան CNN հեռուստաալիքին տված հարցազրույցում։