Ահաբեկչություն Մերձմոսկվայում. Ի՞նչ է այս պահին հայտնի
Ահաբեկչություն Մերձմոսկվայում. Ի՞նչ է այս պահին հայտնի։
Ուրբաթ օրը սարսափելի ահաբեկչություն է տեղի ունեցել մերձմոսկովյան « Կրոկուս Սիթի Հոլում»։ Ահաբեկիչները ներխուժել են համերգասրահ` «Պիկնիկ»
խմբի ելույթից առաջ։ Կրակ ու հրդեհ է սկսվել։ Ավելի քան 150 զոհ և տասնյակ վիրավորներ կան սարսափելի ողբերգության հետևանքով: Այս ահաբեկչությունը 21-րդ դարի ամենասարսափելիներից մեկն է։
Ընդհանուր առմամբ, ահաբեկչությանը մասնակցելու կասկածանքով ձերբակալվել է 11 մարդ: Ռուսական ուժային կառույցների ներկայացուցիչները հայտարարել են, որ ահաբեկիչները շփումներ են ունեցել ուկրաինական հատուկ ծառայությունների հետ: Այս պահին հայտնի է, որ Բրյանսկի շրջանում ձերբակալվել են չորս կատարողները ՝ նրանք, ովքեր ուղղակիորեն կրակ են բացել և հրդեհել «Կրոկուս Սիթի Հոլը»: Ամենայն հավանականությամբ, ահաբեկիչները, փորձելով թաքնվել, շարժվել են դեպի Ուկրաինայի սահման, որտեղ, նախնական տվյալներով նրանց համար ուկրաինական կողմից պատուհան է պատրաստվել` պետական սահմանը հատելու համար։ Այդ մասին իր ուղերձում նշել է Ռուսաստանի նախագահ Վ.Պուտինը:
Համացանցում տարածվում են կասկածյալների հարցաքննությունների տեսագրությունները, ահաբեկիչները կամ վատ են խոսում ռուսերենով, կամ ընդհանրապես չեն տիրապետում ռուսաց լեզվին: Նախնական տվյալներով՝ ահաբեկիչները Տաջիկստանի քաղաքացիներ են։ Նրանցից մեկը հայտնել է, որ մարդկանց գնդակահարելու հանձնարարություն է ստացել ոմն քարոզիչից` տելեգրամյան ալիքի միջոցով, դրա համար նրան կես միլիոն ռուբլի են խոստացել։
Իր հերթին Ուկրաինայի նախագահ Վ. Զելենսկին հանդես է եկել հայտարարությամբ՝ Ռուսաստանին մեղադրելով ահաբեկչության մեջ: Ոչ մի կաթիլ կարեկցանք ահաբեկչության հետևանքով զոհվածների և տուժածների հանդեպ նրա խոսքում չեն եղել։ Հայտարարությունը նման էր արդարանալու և բոլոր կասկածները իրենից հեռացնելու խղճուկ փորձի։ Հավաքական արևմուտքի երկրների ներկայացուցիչների համառ հայտարարությունների ֆոնին ահաբեկչական կազմակերպության՝ ԴԱԻՇ-ի զինյալների ներգրավվածության մասին, նրանք իրենց հայացքները հեռացնում են այն փաստից, որ ահաբեկիչները փորձել են թաքնվել Ուկրաինայում, Կիևի ռեժիմի փոխկապակցվածությունն ավելի ու ավելի հավանական է թվում: Առանձնահատուկ ուշադրության է արժանի այն փաստը, որ ԱՄՆ-ն և Մեծ Բրիտանիան շաբաթներ առաջ զգուշացրել են Ռուսաստանում գտնվող իրենց քաղաքացիներին հնարավոր ահաբեկչությունների մասին:
Պետք չէ մոռանալ, որ նրանք, ովքեր գործ ունեն ահաբեկիչների հետ, իրենք են այդպիսին։ Նույնիսկ այն դեպքում, երբ խոսքը գնում է ամբողջ պետության մասին։ Թե ինչ հետևանքներ կլինեն ահաբեկչության կազմակերպիչների և համապատասխան երկրների հետ, ընդամենը կռահել է պետք։
Աղվան Պողոսյանի ֆեյսբուքյան էջից
