ՌԴ Սամարայի երկրամասում անօդաչուների հարձակման են ենթարկվել նավթավերամշակման երկու գործարաններ
Անօդաչուները գրոհել են Սամարայի երկրամասի Սիզրանի նավթավերամշակման գործարանը և փորձել են հարվածել Նովոկույբիշևի ՆՎԳ-ին, հայտնել է նահանգապետ Դմիտրի Ազարովը։
Նրա խոսքով՝ կատարվածի հետևանքով առաջին գործարանում սկսել են այրվել նավթամթերքների վերամշակման սարքավորումները։ Նովոկույբիշևի ՆՎԳ-ի վրա գրոհը հետ է մղվել։
«Այսօր առավոտյան անօդաչուները գրոհել են Սիզրանի ՆԳՎ-ն և փորձել գրոհել Նովոկույբիշևսկի ՆՎԳ-ն։ Սիզրանի ՆԳՎ տարածքում այրվել են նավթամթերքների վերամշակման սարքերը։ Նախնական տվյալներով՝ տուժածներ չկան»,- ասել է նահանգապետը։
Ազարովն ավելացրել է, որ գրոհի հետևանքների վերացման համար ստեղծվել է տարածաշրջանային օպերատիվ շտաբ, բոլոր գերատեսչություններին հանձնարարվել է ուշադրություն հատկացնել օբյեկտների պահպանությանը մարզի տարածքում։