Ունենք պոտենցիալը՝ նորից մեզ վերագտնելու և ազատագրական պայքարի նոր փուլ սկսելու համար․ Աշոտ Ղուլյան
Ուզում եմ շնորհավորել բոլոր նրանց, ովքեր հավատում են, որ մենք փառահեղ ճանապարհ ենք անցել և ունենք այդ պոտենցիալը նորից մեզ վերագտնելու և ազատագրական պայքարի նոր փուլ սկսելու համար։ Այս մասին ՀՀ-ում Արցախի ներկայացուցչությունում լրագրողների հետ զրույցում ասաց Արցախի Հանրապետության Ազգային ժողովի նախկին նախագահ Աշոտ Ղուլյանը։
Հարցին՝ արցախցիների վերադարձն Արցախ ինչ ճանապարհով են տեսնում և ինչ պետք է անել դրա համար, նախկին պաշտոնյան պատասխանեց․ «Բոլոր հնարավոր ճանապարհներով։ Ամեն ինչ պետք է օգտագործել»։
Տեղեկացնենք, որ Արցախի ԱԺ-ն ՀՀ ներկայացուցչությունում նիստ է գումարել, իսկ այսօր լրանում է Արցախյան շարժման 36-ամյակը:
