ՀՀ և Կոսովոյի վարչապետներն անդրադարձել են Հարավային Կովկասի տարածաշրջանում և Բալկաններում անվտանգության ապահովմանը
Մյունխենի անվտանգության համաժողովի շրջանակում վարչապետ Նիկոլ Փաշինյանը հանդիպում է ունեցել Կոսովոյի վարչապետ Ալբին Կուրտիի հետ:
Ինչպես տեղեկացրին ՀՀ վարչապետի աշխատակազմից, կողմերը մտքեր են փոխանակել Հարավային Կովկասի տարածաշրջանում և Բալկաններում առկա իրավիճակի ու տեղի ունեցող գործընթացների, անվտանգության ու կայունության ապահովման շուրջ:
Ըստ աղբյուրի՝ Կոսովոյի վարչապետն իր զորակցությունն է հայտնել հայ ժողովրդին` վերջին տարիների իրադարաձությունների համատեքստում` նշելով, որ պատմականորեն երկու ժողովուրդներն անցնում են դժվարին ժամանակաշրջանով:
Նշվում է, որ հանդիպմանն անդրադարձ է կատարվել բազմոլորտ փոխգործակցությանը, ինչպես նաև միջազգային հարթակներում համագործակցության հեռանկարներին:
