Վաղարշակ Հարությունյանը Միխայիլ Գալուզինի հետ երկկողմ հետաքրքրություն ներկայացնող հարցեր են քննարկել
Ռուսաստանի Դաշնությունում ՀՀ արտակարգ եւ լիազոր դեսպան Վաղարշակ Հարությունյանը փետրվարի 8-ին հանդիպել է ՌԴ արտաքին գործերի փոխնախարար Միխայիլ Գալուզինի հետ։
«Արմենպրես»-ի թղթակցի հաղորդմամբ՝ հանդիպման ընթացքում քննարկվել են Ռուսաստանի Դաշնության տարածքում ձեռնարկատիրական գործունեություն իրականացնելիս Հայաստանի Հանրապետության վարորդական վկայականներով ՀՀ քաղաքացիների կողմից տրանսպորտային միջոցներ վարելու թույլտվության հետ կապված հարցեր։
Զրուցակիցները մտքեր են փոխանակել նաև օրակարգային երկկողմ հետաքրքրություն ներկայացնող այլ թեմաների շուրջ։
