Նրանք կվերադառնան մեզ մոտ, գնալու տեղ չունեն. Լուկաշենկոն՝ Ուկրաինայի մասին
Բելառուսի նախագահ Ալեքսանդր Լուկաշենկոն ՌԴ նախագահ Վլադիմիր Պուտինի հետ կիրակի օրը՝ հունվարի 28-ին, Կոնստանտինյան պալատում կայացած բանակցությունների ժամանակ իր կարծիքն է հայտնել Ուկրաինայի և Բալթյան երկրների մասին, գրում է Комсомольская правда-ն։
Խոսելով Արկտիկայի մասին՝ Բելառուսի նախագահը նշել է, որ ԽՍՀՄ-ում ճիշտն այն էր, որ «ոչ ոք ոչինչ չեր կիսում և միասին էին աշխատում»։
Ըստ Լուկաշենկոյի, բելառուսական կողմը Ռուսաստանի հարցում խնդիրներ չի տեսնում։
«Խնդրեմ, եկեք, աշխատեք, եկեք միասին աշխատենք, վերցրեք, վաստակեք, գործեք»,- ասել է Բելառուսի նախագահը։
Միևնույն ժամանակ, ըստ նրա, «ոչ մի երկիր չէր կարող վարվել այնպես, ինչպես Ռուսաստանն է վերաբերվում Բելառուսին»։
«Իսկ ի՞նչն էր խանգարում Ուկրաինային և Բալթյան երկրներին այդպես աշխատել մեզ հետ»,- հարց է տվել Լուկաշենկոն։
Նա պարզաբանել է, որ «սա մեր աշխարհն է, մենք այն կառուցում ենք մի քանի տասնամյակ»՝ նկատելով, որ բոլորը միասին են հաղթել սարսափելի պատերազմում։
Լուկաշենկոյի կարծիքով, պետք է շարժվել հենց այս ուղղությամբ։
«Չէ, չեն ուզում, ծովերից այն կողմ են լավագույն կյանք փնտրում»,- նշել է նա։
Բելառուսի նախագահի կարծիքով, Ուկրաինան դեռ կվերադառնա Բելառուսի և Ռուսաստանի հետ համագործակցությանը։
«Մեզ մոտ կվերադառնան, գնալու տեղ չունեն»,- եզրափակել է նա։