Կյանքից հեռացել է Pascal, Euler, Modula-2, Oberon ծրագրավորման լեզուների ստեղծող Նիկլաուս Վիրթը
89 տարեկանում մահացել է շվեյցարացի համակարգչային գիտնական Նիկլաուս Վիրթը, որը ստեղծել է Pascal, Euler, Modula-2, Oberon ծրագրավորման լեզուները: Հրաժեշտի արարողությունը տեղի կունենա հունվարի 11-ին՝ Ցյուրիխում։ Այս մասին գրում է kommersant.ru–ն:
Վիրթը 1982-1999 թվականներին որոշ ընդհատումներով աշխատել է Շվեյցարիայի տեխնոլոգիական դաշնային ինստիտուտում: Հունվարի 4-ին ինստիտուտի կայքում հրապարակվել է մահախոսական: Այն թվարկում է գիտնականի հիմնական նվաճումները և նշում, որ նա մահացել է հունվարի 1-ին իր տանը՝ շրջապատված ընտանիքով:
1984 թվականին նա ստացել է Թյուրինգի մրցանակը՝ համակարգչային գիտության ոլորտում աշխարհի ամենահեղինակավոր մրցանակը։ 1970-ականներին նա Պենտագոնի համար մշակել է Ada ներդրված համակարգերի ծրագրավորման լեզուն:
Վիրթի ծրագրավորման լեզուներն առանձնանում են հստակությամբ, պարզությամբ և արդյունավետությամբ: Pascal-ը, որը նա մշակել է, որոշ ժամանակ եղել է ամենաշատ օգտագործվող կոմերցիոն ծրագրավորման լեզուն։ Դրա հիման վրա մշակվել են Object Pascal-ը և Delphi-ն:
