27 տարին լրացած և պարտադիր զինծառայություն չանցած անձանց մասին կարգավորումն ԱԺ-ն ընդունեց առաջին ընթերցմամբ
ԱԺ-ն առաջին ընթերցմամբ ընդունեց «Զինվորական ծառայության և զինծառայողի կարգավիճակի մասին» օրենքում լրացումներ և փոփոխություն կատարելու մասին և ՀՀ քրեական օրենսգրքում լրացում կատարելու մասին օրենքների նախագծերի փաթեթը։
Այսպիսով, 27 տարին լրացած և պարտադիր զինծառայություն չանցած անձանց
հնարավորություն է տրվում անցնել պարտադիր զինծառայություն` խուսափելով քրեական հետապնդումից հետևյալ կարգավորումներից մեկով`
- երկու տարի ուղղակի ծառայելով,
- մեկ տարի ծառայելով ու 2.5 մլն դրամ մուծելով ՀՀ պետբյուջե,
- վեց ամիս ծառայելով և պետբյուջե վճարելով 5 մլն դրամ,
- մեկ ամիս ծառայելով` վճարելով 10 մլն դրամ,
- չծառայել ու վճարել 15 մլն դրամ։
