Եվրահանձնաժողովը հակասեմականության բռնկում է արձանագրել ԵՄ երկրներում
Եվրահանձնաժողովը ԵՄ երկրներում հակասեմական միջադեպերի բռնկում է արձանագրում:
«Վերջին մի քանի օրվա ընթացքում Եվրոպայում հակասեմական միջադեպերի բռնկումը հասել է խիստ անսովոր մակարդակի, որը հիշեցնում է պատմության մռայլ ժամանակները: Այսօր եվրոպացի հրեաները կրկին ապրում են վախի մեջ»,- ասվում է ԵՀ-ի հայտարարության մեջ: Այս մասին տեղեկացնում է ՏԱՍՍ-ը:
ԵՀ-ը հիշեցրել է ԵՄ երկրներում նման մի քանի միջադեպերի մասին։ Մասնավորապես, Գերմանիայում մոլոտովի կոկտեյլներ են նետել սինագոգի վրա, Ֆրանսիայում հրեաների տների ճակատամասերին Դավիթի աստղեր են նկարել , Ավստրիայում պղծել են հրեական գերեզմանոցը, իսկ Իսպանիայում հարձակվել են հրեական խանութների և սինագոգների վրա։ Միաժամանակ ցույցերի ժամանակ հաճախ են հնչում հակասեմական կարգախոսներ։
«Մենք դատապարտում ենք այդ նողկալի գործողությունները ամենախիստ ձևով», – ասվում է Եվրահանձնաժողովի հայտարարության մեջ:
