Աղբի վերամշակման առաջարկ ենք ստացել, նոր աղբավայրի կառուցման հետ համատեղ պետք է անենք. Ավինյան
Մենք ստացել ենք աղբի վերամշակման վերաբերյալ կոնկրետ առաջարկ, առաջարկում եմ եկող շաբաթ ինձ մոտ քննարկման գալ, հասկանանք համադրելիությունը այս եւ նոր աղբավայրի կառուցման ծրագրերի: Այս մասին այսօր՝ հոկտեմբերի 16-ին, Երևանի քաղաքապետարանում հերթական գործակարգավարական խորհրդակցության ժամանակ նշեց քաղաքապետ Տիգրան Ավինյանը:
«Ասեմ ձեզ, որ կոնկրետ այս ծրագրով առաջ ենք գնում: Մի հատ քննարկենք, հասկանանք վերամշակման հատվածը ընդհանուրի մեջ ինչ տեղ է զբաղեցնելու»,-ասաց նա:
