Կիսում ենք մեր երկրում ազատ ապրելու Շահրամանյանի տեսլականը․ Արթուր Մոսիյան
ՀՅԴ խմբակցության ղեկավար Արթուր Մոսիյանի ելույթը ԱԺ հատուկ նիստում․
«Իմ գործընկերը ներկայացրեց թեկնածուի կենսագրությունը: Ես պարզապես ավելացնեմ մեկ-երկու նախադասություն:
Մենք էլ ենք հանդիպել պարոն Շահրամանյանի հետ: Կիսում ենք մեր երկրում ազատ, անկախ ապրելու իր տեսլականը և գտնում ենք, որ Հանրապետության նախագահի թեկնածուն պետք է ունենա մի շարք հատկություններ:
Դա որոշում կայացնելու ունակությունն է, ազնվությունը, պարկեշտությունը, համախմբման կարողությունը և, իհարկե, պետական կառավարման համակարգում ունեցած հարուստ փորձը:
Այս հիմնական պատճառներն են և իր տեսլականը հաշվի առնելով ՀՅԴ խմբակցությունը առաջադրել է պարոն Շահրամանյանի թեկնածությունը»։
