ԱՄՆ պետքարտուղար Բլինքենը պաշտոնական այցով ժամանել է Կիև

ԱՄՆ պետքարտուղար Էնթոնի Բլինքենը պաշտոնական այցով ժամանել է Ուկրաինայի մայրաքաղաք Կիև։ Այդ մասին հայտնում է Европейская правда-ն։

Սեպտեմբերի 6-ի առավոտյան ուկրաինական լրատվամիջոցները փոխանցում են, որ պետքարտուղար Բլինքենն արդեն իսկ Ուկրաինայի մայրաքաղաքում է։

Ամերիկացի բարձրաստիճան պաշտոնյայի հնարավոր այցի մասին լրատվամիջոցները հայտնել էին դեռ նախօրեին։

Նախատեսվում է, որ Բլինքենը բանակցություններ կվարի Ուկրաինայի նախագահ Վլադիմիր Զելենսկիի հետ, որին կմասնակցեն նաև արտաքին գործերի նախարար Դմիտրի Կուլեբան, Ուկրաինայի նախագահի գրասենյակի ղեկավար Անդրեյ Երմակը, պաշտպանության նախարարի թեկնածու Ռուստեմ Ումերովը։