Ռուսական ՀՕՊ ուժերը ոչնչացրել են դեպի Մոսկվա թռչող անօդաչու թռչող սարքը. Սոբյանին
Ռուսաստանի ՀՕՊ ուժերը Վոսկրեսենսկի շրջանում ոչնչացրել են դեպի Մոսկվա թռչող անօդաչու թռչող սարք, տուժածներ չկան։ Այս մասին հայտարարել է մայրաքաղաքի քաղաքապետ Սերգեյ Սոբյանինը։
«Այսօր Վոսկրեսենսկի շրջանում հակաօդային պաշտպանության ուժերը ոչնչացրել են դեպի Մոսկվա թռչող անօդաչու թռչող սարք»,- գրել է նա իր «Թելեգրամ» ալիքում։ Սոբյանինի խոսքով՝ նախնական տվյալներով՝ զոհեր և ավերածություններ չկան։
«Դեպքի վայրում են շտապօգնությունը»,- հավելեց քաղաքապետը։
Ավելի վաղ Մոսկվայի երկու օդանավակայանները՝ Վնուկովոն և Դոմոդեդովոն, սահմանափակել են թռիչքների ընդունումը, մի քանի տասնյակ մեկնումներ և ժամանումներ հետաձգվել են, ինքնաթիռների մի մասը վերահղվել է Շերեմետևո։ Baza-ն հայտնել է, որ մայրաքաղաքի օդանավակայաններում ներդրվել է «Գորգ» պլանը:
«Գորգ» պլանը, համաձայն օդային տարածքի օգտագործման մասին կառավարության որոշման, ներդրվում է Ռուսաստանի պետական սահմանը ապօրինի հատելիս, ներխուժող օդանավի վրա զենք և ռազմական տեխնիկա օգտագործելիս, ինչպես նաև օդային տարածքում անհայտ ինքնաթիռներ «և նյութական այլ առարկաներ» հայտնվելիս:
Դա նշանակում է, որ բոլոր ինքնաթիռները, բացառությամբ որոնողական, փրկարարական և խախտողների դեմ պայքարում ներգրավված ինքնաթիռների, պետք է անմիջապես վայրէջք կատարեն կամ լքեն տարածքը:
