Ֆրանսիայի քաղաքներից Արցախին ուղարկված հումանիտար բեռներով մեքենաները շարժվեցին դեպի Կոռնիձոր
Ֆրանսիայից ուղարկված մարդասիրական օգնության շարասյունն այսօր վաղ առավոտյան Երևանից շարժվեց դեպի Հակարիի կամուրջ։
Այս մասին X-ի (նախկին Թվիթեր) իր միկրոբլոգում գրել է ֆրանսիացի լրագրող Գաբրիել Գավինը։
«Փարիզի քաղաքապետ Անն Իդալգոյի կողմից նախաձեռնած օգնության շրջանակում 10 բեռնատարից կազմված շարասյունը այս առավոտ Երևանից շարժվեց դեպի Լեռնային Ղարաբաղի հետ սահման», – գրել է նա։
Ֆրանսիայի հայկական կազմակերպությունների համակարգող խորհուրդը հայտնում է, որ օգոստոսի 30-ին Հայաստան է ժամանելու Փարիզի քաղաքապետ Ան Իդալգոն, որը կուղեկցի Երևանից դեպի Լաչինի միջանցք ուղևորվող շարասյունը։
Հումանիտար օգնությունը հատկացրել են Փարիզ քաղաքը, Իլ դը Ֆրանս, Օվերն-Ռոն-Ալպ, Օ դը Ֆրանս, Օքսիտանիա, Լուարի երկիր ռեգիոնները։
