ԲՐԻԿՍ-ը նոր անդամների հետ իր մոտեցումները կհամակարգի ՄԱԿ-ում, G20-ում և այլ միջազգային հարթակներում
ԲՐԻԿՍ (BRICS) դաշինքը նոր անդամների հետ իր մոտեցումները կհամակարգի ՄԱԿ-ում, G20-ում և այլ միջազգային հարթակներում։ Այս մասին հայտարարել է Ռուսաստանի Դաշնության արտաքին գործերի նախարար Սերգեյ Լավրովը «Ռոսիա-1» հեռուստաալիքի «Մոսկվա։ Կրեմլ։ Պուտին» հաղորդման եթերում, տեղեկացնում է ՏԱՍՍ-ը։
Այս տարի ԲՐԻԿՍ-ի գագաթնաժողովն անցկացվել է օգոստոսի 22-24-ը Յոհանեսբուրգում՝ Հարավային Աֆրիկայի նախագահությամբ։ Դրա շրջանակներում կայացել է գլոբալ հարավի պետությունների և կառավարությունների ղեկավարների վերջին տարիների ամենախոշոր հանդիպումը։ Հրավիրվածների թվում էին աֆրիկյան 54 երկրների ղեկավարներ։ Գագաթնաժողովի մասնակիցները պայմանավորվել են, որ 2024 թվականի հունվարի 1-ից դաշինքին կմիանան Արգենտինան, Եգիպտոսը, Իրանը, Արաբական Միացյալ Էմիրությունները, Սաուդյան Արաբիան և Եթովպիան։ Հաջորդ գագաթնաժողովի համար կպատրաստվի կազմակերպության հնարավոր նոր անդամների ցուցակը։ ԲՐԻԿՍ-ում ՀԱՀ վստահված անձ Անիլ Սուկլալն ավելի վաղ ասել էր, որ մոտ 30 պետություն շահագրգռված է միանալ կազմակերպությանը, նրանցից մի քանիսը պաշտոնական հայտեր են ներկայացրել։
