Ադրբեջանի իշխանությունները պետք է ապահովեն Լաչինի միջանցքով տեղաշարժը և թույլ չտան ճգնաժամի սրում. ՌԴ-ում Իսպանիայի դեսպանություն
ՌԴ-ում Իսպանիայի դեսպանությունն իր աջակցությունն է հայտնում ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելի հայտարարությանը: Դեսպանության թվիթերյան միկրոբլոգում հայերենով հետևյալ գրառումն է արված.
«Իսպանիան աջակցում է Ժոզեպ Բորելի հայտարարությանը` Լաչինի շրջափակման հետ կապված հումանիտար իրավիճակի մասին: Ադրբեջանի իշխանությունները պետք է ապահովեն անվտանգությունն ու ազատ տեղաշարժը միջանցքում շատ արագ և թույլ չտան ճգնաժամի էսկալացիա»։
Նշենք, որ ԵՄ արտաքին հարաբերությունների գծով բարձրագույն հանձնակատար Ժոզեպ Բորելը նշել էր, որ ԵՄ-ն ի գիտություն է ընդունել Բաքվի՝ Աղդամով ապրանքներ մատակարարելու պատրաստակամությունը, բայց դա Լաչինի միջանցքի բացման այլընտրանքը չէ։
