Նախագահ Սարգսյանի բաց նամակը ահազանգում է իրավիճակի ծայրահեղ ծանրության մասին. Լիլիթ Բեգլարյան
Նախագահ Սարգսյանի բաց նամակը Մինսկի խմբի համանախագահ երկրների ղեկավարներին ահազանգում է իրավիճակի ծայրահեղ ծանրության մասին:
Այն հստակ ուղերձ է թե՛ արտաքին, թե՛ ներքին լսարանի համար, որ՝
- Արցախյան հիմնախնդրի կարգավորման միջազգային մանդատ ունեցող միակ ձևաչափը շարունակում է լինել ԵԱՀԿ Մինսկի խումբը։
- Երեք գերտերությունները բազմիցս համակարծիք են եղել, որ Արցախյան հիմնախնդիրը չունի ռազմական լուծում, և ինքնորոշման սկզբունքը տարիներ շարունակ եղել է բանակցային սեղանին։
(հիշեցնեմ, որ անգամ 44-օրյա պատերազմից հետո Մինսկի խումբը մի քանի անգամ հղում է արել կարգավորման հիմնարար սկզբունքներին)։
- Հայաստանի այսօրվա կառավարիչը չի ներկայացնում հայկական շահը և չունի լեգիտիմ իրավունք Արցախը ճանաչելու այլ երկրի կազմում։
Նամակներն արդեն փոխանցվել են համապատասխան դեսպանություններին՝ նոր հնարավորություն ստեղծելով կանխել մոտալուտ աղետը։
Լիլիթ Բեգլարյանի ֆեյսբուքյան էջից
