Այս պահին «ՀայաՔվե»-ին միացել է 25 հազար մարդ. Ավետիք Չալաբյան
Այս պահի դրությամբ՝ «ՀայաՔվե»-ին միացել է 25 հազար մարդ: Այս մասին ասյօր՝ հուլիսի 15-ին, տեղի ունեցած մամուլի ասուլիսին ասաց«ՀայաՔվե» նախաձեռնության համակարգող Ավետիք Չալաբյանը:
«Երևանում միացել է 14 հազար 915 քաղաքացի, մարզերում` 9 հազար 630 քաղաքացի, էլեկտրոնային ստորագրությամբ միացել է 455 մարդ»,- ասաց նա:
Նա նշեց, որ արդյունքը հրաշալի է, անհրաժեշտ նվազագույնի կեսն արդեն կարողացել են մոբիլիզացնել:
«Սիրելիներս, կանգ մի առեք, գտեք ձեզ նման ևս մեկ մարդ, որը դեռ չի մասնակցել, խոսեք այդ մարդու հետ, ձեռքից բռնեք ու տարեք քվեարկության տեղամաս, մենք պետք է կրկնապատկենք մասնակիցների թիվը»,- ասաց Չալաբյանը:
