ՊԲ-ը չի կրակել․ Ադրբեջանը շարունակում է ապատեղեկատվություն տարածել

Ադրբեջանի ՊՆ հաղորդագրությունն այն մասին, թե իբր ՊԲ ստորաբաժանումները հունիսի 21-ին և 22-ին կրակ են բացել Արցախի Հանրապետության Մարտունու, Շուշիի և Ասկերանի շրջանների օկուպացված տարածքներում տեղակայված ադրբեջանական դիրքերի ուղղությամբ չի համապատասխանում իրականությանը։

Արցախի ՊԲ-ից հայտնում են, որ Ադրբեջանի ՊՆ-ը նաև շարունակում է ապատեղեկատվություն տարածել՝ հայտարարելով իր կողմից իբր թե խափանված և ՊԲ կողմից իրականացվող ամրաշինական աշխատանքների մասին։