Երրորդ համաշխարհայինը, նաև ըստ Հռոմի պապի, արդեն սկսված է, ասվածին հավելենք՝ գնալով մեծանում է միջուկային պատերազմի վտանգը. 18

 Սկիզբը` այստեղ

ՌԴ Անվտանգության խորհրդի նախագահի տեղակալ Դմիտրի Մեդվեդևն այսօր սպառնացել է ոչնչացնել Ռուսաստանի արևմտյան թշնամիների՝ օվկիանոսի հատակին գտնվող մալուխային կապերը:

Մեդվեդևը Telegram-ալիքում հայտարարել է , որ ելնելով «Հյուսիսային հոսքեր»-ի պայթեցմանն Արևմուտքի մեղսակցության ապացուցվածությունից, ՌԴ-ն պատճառ չունի ձեռնպահ մնալու օվկիանոսի հատակին տեղադրված թշնամիների մալուխային հաղորդակցությունների ոչնչացումից:

«Եթե ելնենք «Հյուսիսային հոսքերի» խափանմանն արևմտյան երկրների մեղսակցության ապացուցվածությունից, ապա մեզ չի մնացել ոչ մի, նույնիսկ բարոյական սահմանափակում ՝ զերծ մնալու օվկիանոսի հատակին դրված մեր թշնամիների մալուխային կապերի ոչնչացումից»,- գրել է նա:

Եվս մեկ մեջբերում ՌԴ Անվտանգության խորհրդի նախագահի տեղակալի գրառումից.

«Երեկ Ռուսաստանի նախագահը խոսել է մեր երկրի անվտանգության նպատակով ապառազմականացված (սանիտարական) գոտի ստեղծելու անհրաժեշտության մասին: Հաշվի առնելով Կիևի վարչակարգին զենքի ավելի և ավելի հեռահար զենքեր մատակարարելու թշնամական որոշումները, այդպիսի սահմանագիծը պետք է անցնի Լվովի (լեհական Լեմբերգ) սահմաններով, որպեսզի իրական պաշտպանական դեր խաղա։ Այդ դեպքում դրանք կլինեն նոր անվտանգ սահմանները նրա, որը նախկինում կոչվում էր «երկիր 404»:

Խոսքը Լեհաստանին հարող նախկին ԽՍՀՙՄ սահմանների մասին է, իսկ 404-ը կամ

404 սխալը համացանցում նշանակում է, որ հայցվող ռեսուրսը կարող է հասանելի լինել ապագայում, ինչը, սակայն, չի երաշխավորում առկայությունը նախկին բովանդակության:

«Միացյալ Նահանգները գնալով ավելի խորն է ներքաշվում ուկրաինական ճգնաժամի անդնդի մեջ: Շարունակում են այդ երկրում իրավիճակը մղել ավելի մեծ ողբերգության։ Տասնյակ երկրների ստիպում են զենք և զինամթերք մատակարարել Զելենսկու վարչակարգին»,- երեկ հայտարարել է ԱՄՆ- ում ՌԴ դեսպան Անատոլի Անտոնովը՝ մեկնաբանելով Միացյալ Նահանգների կողմից Կիևին մոտ 325 մլն դոլար արժողության ռազմական օգնության նոր փաթեթի (40-րդ տրանշի) տրամադրումը:

Բարձրաստիճան դիվանագետի խոսքով՝ Վաշինգտոնում մտադիր չեն հրաժարվել իրենց գլխավոր նպատակից՝ ռազմավարական պարտության մատնել ՌԴ-ին մարտի դաշտում։  Ընդ որում, ինչպես նշել Է Անտոնովը, ԱՄՆ-ի համար կարևոր չէ, թե քանի կյանքի գնով այդ արդյունքը ձեռք կբերվի։

«Ամերիկյան քաղաքական գործիչներին հաջողություն է հարկավոր Ուկրաինական ուղղությամբ չմտածված գիծն արդարացնելու, ծախսերի նպատակահարմարությունը հաստատելու և 2024 թվականին ԱՄՆ- ում կայանալիք նախագահական ընտրությունների նախաշեմին Ռուսաստանի Դաշնության դեմ պայքարում «հաջողություններ» ցույց տալու համար»,- ասել է Անտոնովը։

Դեսպանը հավելել է, որ ԱՄՆ-ն հետաքրքրություն չի ցուցաբերում ուկրաինական հակամարտության բանակցային լուծումների նկատմամբ, և պատրաստ չէ ոչնչի առջև կանգ առնելու:

«Ոչ մեկին չի հետաքրքրում Ուկրաինայի ճակատագիրը, որն օգտագործվում է միայն որպես երկաթե մահակ Ռուսաստանի դեմ»,- ամփոփել է Անտոնովը:

Հատուկ ռազմական գործողության գոտում ներկայիս թեժ մարտերի ընթացքում տրամադրվող 325 մլն դոլար արժողության ռազմական օգնության նոր փաթեթը բացի 15 հատ «Bradley»-ի հետևակի մարտական մեքենաներից և 10 «Stryker» զրահամեքենաներից, ներառում է նաև  NASAMS զենիթահրթիռային համալիրների հրթիռներ, «Stinger» դյուրակիր զենիթահրթիռային համալիրներ, «Javelin», TOW և AT-4 հակատանկային հրթիռային համալիրներ, ինչպես նաև 155 և 105 միլիմետր տրամաչափի հրետանային արկեր, HIMARS համազարկային կրակի ռեակտիվ համակարգերի համար նախատեսված հրթիռներ, 22 միլիոն փամփուշտ և նռնակներ, կապի պաշտպանված համակարգեր, պայթուցիկ նյութեր և պահեստամասեր:

2021թ. հունվարից Միացյալ Նահանգները ավելի քան 37,6 մլրդ դոլար է ներդրել Ուկրաինային ռազմական համար, այդ թվում՝ 36,9 մլրդ դոլար՝ 2022թ. փետրվարից: Իբր թե այս ամենը քիչ է, ԱՄՆ-ն օրերս հայտարարել է  Ուկրաինային 2,1 մլրդ դոլարի ռազմական նոր օգնություն հատկացնելու մասին: Այն ներառում է լրացուցիչ հրթիռներ «Patriot» հակաօդային պաշտպանության համակարգերի համար, HAWK հակաօդային պաշտպանության համակարգեր ու դրանց հրթիռներ, 105-մմ и 203-մմ տրամաչափի հրետանային արկեր, «Puma» ԱԹՍ-ներ, լազերային ուղղորդմամբ հրթիռային համակարգերի զինամթերք և այլն, և այլն:

Ռուսաստանն ավելի վաղ նոտա էր հղել ՆԱՏՕ-ի երկրներին՝ Ուկրաինային զենք մատակարարելու համար։ ՌԴ ԱԳ նախարար Սերգեյ Լավրովը նշել է, որ ցանկացած բեռ, որը սպառազինություն է պարունակում Ուկրաինայի համար, կդառնա Ռուսաստանի օրինական թիրախը: ՌԴ արտաքին քաղաքական գերատեսչությունում հայտարարել են, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային:

 

Շարունակելի

Արթուր Հովհաննիսյան