Ստոլտենբերգը շնորհակալություն է հայտնել Թուրքիային Կոսովո ուժեր ուղարկելու համար
ՆԱՏՕ-ի գլխավոր քարտուղար Յենս Ստոլտենբերգը կիրակի Ստամբուլում նախագահ Էրդողանի հետ հանդիպման ժամանակ շնորհակալություն է հայտնել Թուրքիային Կոսովո օգնական ուժեր ուղարկելու համար, տեղեկացնում է Անադոլուն։
Դռնփակ հանդիպումից հետո լրագրողների առաջ ելույթ ունենալիս ՆԱՏՕ-ի գլխավոր քարտուղարն նշել է․«Ես շնորհակալ եմ Թուրքիային տարածաշրջանում վերջին անկարգություններից հետո Կոսովոյի հյուսիս օգնական ուժեր ուղարկելու համար»։
«Ստոլտենբերգը նաև ընդգծել է պատերազմից տուժած Ուկրաինային Թուրքիայի վճռական աջակցության կարևորությունը, այդ թվում սևծովյան հացահատիկային գործարքի կնքման նախաձեռնությունը և դրա շարունակման ապահովումը»,- հայտնում է թուրքական ԶԼՄ-ն։
