Աղայանական օր՝ մեծանուն գրողի ծննդավայր Բոլնիս-Խաչեն գյուղում
Մայիսի 7-ին հայ մեծանուն գրող, մանկագիր և մանկավարժ Ղազարոս Աղայանի ծննդավայրում՝ Վրաստանի Բոլնիսի մունիցիպալիտետի Բոլնիս-Խաչեն գյուղում հանդիսավոր նշվեց ավանդական Աղայանական օրը: Վրաստանում ՀՀ դեսպանությունը տեղեկացնում է, որ Ժողովրդական տոնախմբությանը ներկա էին Բոլնիսիի քաղաքապետ Դավիթ Շերազադիշվիլին, Բոլնիսի մունիցիպալիտետի Մշակույթի կենտրոնի տնօրեն Սոսո Կոպալեիշվիլին, Բոլնիս-Խաչենի գյուղապետ Արմեն Հարությունյանը, Թբիլիսիից ու Երևանից ժամանած վրացի և հայ մշակույթի ու հասարակական գործիչներ: Վրաստանում ՀՀ դեսպանությունը ներկայացնում էր խորհրդական Լևոն Զարգարյանը:
Մեծ դասականի տուն-թանգարանի բակում Վրաստանի հայ գրողների «Վերնատուն» միության նախաձեռնությամբ 2000 թվականից իրականացվող միջոցառումն այս անգամ ևս նշանավորվեց ելույթներով և մշակութային կատարումներով:
