Ամռանն անձնագրային ծառայություններն աշխատում են գերծանրաբեռնված, ՆԳՆ-ը հորդորում է գործարքները կատարել ավելի վաղ
ՀՀ ներքին գործերի նախարարությունից հիշեցնում են, որ ամռան ամիսներին անձնագրային ծառայությունները սովորաբար աշխատում են գերծանրաբեռնված ռեժիմով:
«Ուստի հորդորում ենք անձնագրային գործարքները կատարել ավելի վաղ՝ խնայելով ձեր ժամանակը և միաժամանակ նպաստելով աշխատանքների արդյունավետ կազմակերպմանը:
Միաժամանակ տեղեկացնում ենք, որ ՆԳՆ միգրացիայի և քաղաքացիության վարչական շենքում (Դավթաշեն, 4-րդ թաղամաս, 17/10) սպասարկումն իրականացվում է առցանց հերթագրմամբ՝ e-request.am կայքի միջոցով:
Տարածքային անձնագրային ծառայություններում հերթը կարգավորվում է տեղում՝ հերթի կտրոնների միջոցով»,- նշված է ՆԳՆ-ի հաղորդագրության մեջ:
