Իրանում տեղի ունեցած երկրաշարժը զգացվել է նաև Հայաստանում
Իրանում տեղի ունեցած երկրաշարժը զգացվել է նաև Հայաստանում։ Այս մասին հայտնում է ՀՀ ՆԳՆ փրկարար ծառայությունը, նշելով որ երկրաշարժը տեղի է ունեցել Իրանի Խոյ քաղաքից 41 կմ հարավ-արևմուտք:
«Սույն թվականի մարտի 16-ին, տեղական ժամանակով ժամը 15:47-ին (Գրինվիչի ժամանակով ժամը 11:47-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 38.32⁰ և արևելյան երկայնության 45.32⁰ աշխարհագրական կոորդինատներով Իրան՝ Խոյ քաղաքից 41 կմ հարավ-արևմուտք, օջախի 10 կմ խորությամբ, 5․1 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 7 բալ:
Երկրաշարժը զգացվել է Սյունիքի մարզում 3-4 բալ, Վայոց Ձորի և Արարատի մարզերում 3 բալ, Երևանում` 2-3 բալ ուժգնությամբ»,- նշված է Փրկարար ծառայության տարածած հաղորդագրության մեջ:
