Ծնողներին Եռաբլուրից բերման ենթարկելու գործով մեղադրյալներ չկան, առերեսումներ են եղել ծնողների ու ոստիկանների միջև․ ՔԿ
Սեպտեմբերի 21-ին Եռաբլուրից զոհված զինծառայողների ծնողներին բերման ենթարկելու փաստով նախաձեռնված քրեական վարույթը գտնվում է նախաքննության փուլում։ Այս մասին հայտնում է ՀՀ քննչական կոմիտեի խոսնակ Գոռ Աբրահամյանը։
«Գործով մեղադրյալի կամ կասկածյալի կարգավիճակ չունեցող անձինք չկան, մնացած բոլոր գործողություններն արվում են, առերեսումներ են արվել ծնողների ու ոստիկանների միջև, քրեական գործի վարույթը բնական հունով շարունակվում է»,- հայտնում է Աբրահամյանը։
Հիշեցնենք` զոհված զինծառայողների ծնողները սեպտեմբերի 20-ի լույս 21-ի գիշերը հերթապահում էին Եռաբլուրում, որպեսզի թույլ չտային Նիկոլ Փաշինյանին այցելել Զինվորական պանթեոն։ Սակայն, սեպտեմբերի 21-ի առավոտյան ոստիկանությունը ուժ կիրառելով՝ հեռացրել էր զոհվածների ծնողներին, տեղափոխել բաժանմունք, ինչից հետո իշխանության ներկայացուցիչները հնարավորություն են ստացել ծաղկեպսակներ դնել Եռաբլուրում։
Այդ փաստերի առթիվ նախաձեռնվել էր քրեական վարույթ։
