Բարի երթ «Սերունդ»-ին, որ Արցախը մնա հայկական
«Սերունդ» Համահայկական հիմնադրամը ստեղծվեց ադրբեջանաաթուրքական տանդեմի կողմից Արցախի դեմ սանձազերծած 44-օրյա պատերազմից հետո՝ 2021 թվականի հունվարի 21-ին: Հիմնադրամի ստեղծման նպատակն է՝ անել հնարավորը, որպեսզի պատերազմի հետևանքով մարդկային, տարածքային հսկայական կորուստներ կրած Արցախի Հանրապետությունը կարողանա շտկել իր մեջքը:
Արցախի ժողովրդագրական իրավիճակը բարելավելու համար Հիմնադրամն այսօր իրականացնում է ազգանվեր ծրագիր, ըստ որի, Արցախում ծնված երեխաներին՝ մինչև 16 տարի և 8 ամսականը լրանալը, պետք է տրամադրվի ամսական 50 000 դրամ օժանդակություն, եթե բնակվում են իրենց համայնքում:
Հիմնադրամն իր ծրագրի առաջին փուլը կսկսի իրականացնել Արցախի Չարեկտար և Եղցահող գյուղերից: Հիմնադրամի ռեսուրսների ավելացմանը զուգահեռ՝ իրականացման աշխարհագրությունը կընդլայնվի։
Ազգային այս ծրագիրը կարող է իրականություն դառնալ միայն հայության աջակցությամբ: Հիմնադրամը կոչ է անում հայերին դառնալ հիմնադրամի ամենամսյա նվիրատու, իրենց օժանդակությամբ նպաստել, որ Արցախի մեր քույրերն ու եղբայրները կարողանան ապրել Արցախում, շենացնենք ու ամրացնենք Արցախը, որպեսզի կանգուն մնա հայկական Արցախը:
Տեսանյութում կարող եք դիտել՝ ինչպես կատարել նվիրաբերություն։
Նորություններին կարող եք ծանոթանալ՝ հետևելով հիմնադրամի ֆեյսբուքյան էջին: