Մեծ Բրիտանիայում կանխատեսում են տառապանք և քաոս
Մեծ Բրիտանիան կբախվի մի շարք ոլորտների աշխատողների հազարավոր գործադուլների, որոնք կշարունակվեն մինչև դեկտեմբերի վերջ, ինչը կհանգեցնի հիմնարկների աշխատանքի խաթարմանը և միլիոնավոր մարդկանց խնդիրներին, գրում է The Telegraph-ը։
Ակցիային ծրագրում են մասնակցել երկաթուղու աշխատողները, բուժքույրերը, շտապօգնության աշխատակիցները, ծովային և ավտոմոբիլային տրանսպորտի աշխատողները, ուսուցիչները, անվտանգության աշխատակիցները, դրամարկղային աշխատողները, փոստի աշխատողները և այլ տարածքների աշխատողներ, մինչդեռ գործադուլների պատճառած «քաոսը» կզգացվի ամեն օր։
«Բողոքի իրական մասշտաբը շատ ավելի վատ կլինի, քանի որ մի արհմիություն, որը ներկայացնում է քաղաքացիական ծառայողներին, այդ թվում՝ սահմանապահներին, անձնագրային գրասենյակի աշխատակիցներին և Ազգային մայրուղու աշխատակիցներին, սատարել է գործադուլին, սակայն դեռևս չի հաստատել ժամկետները»,- ասվում է հայտարարության մեջ։
Քանի որ խորացող գնաճը սրում է կյանքի ծախսերի ճգնաժամը, արհմիությունները պահանջում են իրենց անդամների աշխատավարձերի զանգվածային բարձրացումներ, նշում է The Telegraph-ը:
Ընդ որում բրիտանական կառավարությունը կարծում է, որ բանակցելու փոխարեն գործադուլներ կազմակերպելու արհմիությունների որոշումը «կհանգեցնի միլիոնավոր մարդկանց կյանքի ապակայունացմանը»։
Ուկրաինայում ռուսական հատուկ գործողության մեկնարկից հետո Արևմուտքն ուժեղացրել է Մոսկվայի նկատմամբ պատժամիջոցների ճնշումը։ Մատակարարման շղթաների խաթարումը բարձրացրել է վառելիքի և սննդամթերքի գները Եվրոպայում և ԱՄՆ-ում:
