Փաշինյանը սուվերենության պաշտպանության հետ այնքան կապ ունի , որքան Հիտլերը՝ հրեաների իրավունքների
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է․
«Փաշինյանը սուվերենության պաշտպանության հետ այնքան կապ ունի , որքան Հիտլերը՝ հրեաների իրավունքների:
Նիկոլի ընտանեկան լրատվամիջոցի հրապարակման համաձայն՝ Ռուսաստանը զենք չի մատակարարում Հայաստանին, չի կատարում դաշնակցային պարտականությունն ու Ադրբեջանին օգտագործում է Հայաստանում իր ազդեցությունը պահպանելու համար։
Բանավեճի մեջ չեմ մտնում զառանցանք պարունակող այս մտքի «Աղբյուրի» հետ։
Բայց մի հարց «Աղբյուրին».
Եթե այդպես վատն է Ռուսաստանը, բա ինչո՞ւ էիր սեպտեմբերի 7-ին Վլադիվոստոկում Պուտինին հրապարակային շողոքորթում ու «սպասիբոներ» շռայլում։
Կարո՞ղ է ես էի երկու նախադասության մեջ 9 անգամ ՌԴ-ին շնորհակալություն հայտնում։
Ու հերիք է սուվերենության գաղափարը շահարկես։
Դու ես քո աթոռը պահելու համար «մատաղ արել» Հայաստանի սուվերենությունը:
Ո՞նց է լինում, որ ԵՄ ու ՆԱՏՕ ինտեգրվելը «սուվերենության» է, իսկ ԵԱՏՄ կամ ՌԴ առաջատարությամբ որևէ միության ինտեգրվելը՝ «ռուսի ճորտի» նշան է։
Հերիք է ազգի «քթից բռնած» տանեք կործանման։
Հայաստանի որևէ իշխանություն երբեք չի շողոքորթել Արևմուտքին, ՌԴ-ին ու նաև Թուրքիային, ինչպես դու՝ Նիկոլ։
Պարզապես ՆԱՏՕ-ն «իշմար է տվել» ռուսից թռնելու. հարմար առիթ է։
No pasarán🇦🇲
Հ.Գ. Ու չփորձես խնդիրները բարդել 2016-ի վրա։
2016-ին մենք հաղթել ենք, իսկ ՌԴ-ն էլ Սերժին «Իսկանդեր» է տվել ու 50 հազար տոննա անվճար զենք, որը դու հանձնեցիր Ալիևին որպես «տրոֆեյ»։
Հայ-ռուսական դաշնակցությունն այլընտրանք չունի»։