Թուրքիայում կառուցվող ատոմակայանի մոտակայքում բռնկված խոշոր հրդեհը չի հաջողվում մարել
Թուրքիայում շարունակում են պայքարել ծովափնյա Մերսին նահանգում բռնկված անտառային հրդեհի դեմ, որն ընդգրկել է բավականին մեծ տարածք: Այս մասին տեղեկացնում է Էրմանիհաբերը:
Հրդեհաշիջման աշխատանքներին մասնակցում է 11 ինքնաթիռ, 22 ուղղաթիռ, 138 հրշեջ մեքենան և 850 հրշեջ ծառայության աշխատակից: Փակվել է Մերսին-Անթաքիա ավտոճանապարհը, 300 տներից տարհանվել է 720 քաղաքացի, իսկ 6 հոգի էլ հոսպիտալացվել է։
Հրշեջներն արդեն երկու օր է իրականացնում են հրդեհամարման աշխատանքներ, բայց դեռևս չի հաջողվում կրակը մեկուսացնել:
Թուրքական մի շարք լրատվամիջոցներ հայտնում են, որ հրդեհը վտանգավոր է այն պատճառով, քանի որ հենց Մերսինում է գտնվում ռուսական «Ռոսատոմ» պետական կորպորացիայի նախագծով Թուրքիայում կառուցվող «Աքքույու» ատոմակայանը:
