Հաջիևը խոսել է Բրյուսելում նախատեսվող Փաշինյան-Ալիև հանդիպման օրակարգի մասին
Եվրոպական խորհրդի նախագահ Շառլ Միշելի միջնորդությամբ Բրյուսելում նախատեսված Փաշինյան-Ալիև հանդիպման ժամանակ ակնկալվում է համաձայնեցնել աշխատանքային խմբի ստեղծումը, որը պետք է նախապատրաստի Ադրբեջանի ու Հայաստանի միջեւ Խաղաղության պայմանագիրը։ Ադրբեջանական ԶԼՄ-ների տեղեկացմամբ, այս մասին այսօր օկուպացված Շուշիում հայտարարել է Ադրբեջանի նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
Հաջիևը հավելել է, որ ներկայումս երկու երկրների միջև բանակցությունները հիմնականում ընթանում են սահմանների սահմանազատման, հումանիտար, տրանսպորտային հաղորդակցության հարցերի և խաղաղության պայմանագրի մշակման շուրջ։
Նշենք, որ ամսվա վերջին Մոսկվայում նախատեսվում է նաև Հայաստանի և Ադրբեջանի փոխվարչապետների հանդիպումը՝ տրանսպորտային հաղորդակցության և սահմանազատման հարցերը քննարկելու համար։