Նորակոչիկները զինվորական երդում են տվել

Օրերս անցկացվել է N զորամասի շարքերը համալրած նորակոչիկների զինվորական երդման հանդիսավոր արարողությունը: ՊՆ տեղեկացմամբ, նորակոչիկները երդվել են անձնվիրաբար ծառայել Հայրենիքին, անվերապահորեն կատարել հրամանատարների հրամանները, լինել Հայոց բանակի արժանի զինվորներ և և պատվով պաշտպանել հայրենի երկրի սահմանները:

Քաղաքային պանթեոնում անցկացված միջոցառմանը ներկա են եղել զորամասի հրամանատարական կազմը, տեղական ինքնակառավարման մարմինների և հոգևոր դասի ներկայացուցիչներ, զինծառայողների հարազատներ։