Այրվածքներից մահացած Պալյան Պողոսյանը Ախուրյանի Ազատան համայնքից էր․ News.am
Այրվածքաբանության ազգային կենտրոնում այսօր մահացած ժամկետային զինծառայող Պալյան Պողոսյանը Ախուրյանի Ազատան համայքնից էր։ Նա ուներ երկու քույր, սովորում էր Գյումրու մանկավարժական համալսարանում։
Հիշեցնենք, որ հուլիսի 25-ին Պաշտպանության նախարարությունը տեղեկացրել է, որ զինծառայողը հուլիսի 17-ին ջերմային 2-րդ աստիճանի այրվածքով տեղափոխվել էր Զանգեզուրի կայազորային հոսպիտալ: Զինծառայողը նույն օրը ռեանիմոբիլով տեղափոխվել էր Այրվածքաբանության ազգային կենտրոն։ Պայմանավորված տվյալ ախտահարման դեպքում հիվանդության զարգացման փուլային ընթացքով և այրվածքային ախտահարման ժամանակ հաճախակի հանդիպող հեռակա բարդություններով՝ զինծառայողի առողջական վիճակում դիտարկվել էր վատթարացում և այն գնահատվում էր ծայրահեղ ծանր:
