«Շառլատանի վերջին խոսքերը». բրիտանացիներին զայրացրել է Ջոնսոնի հրաժեշտի արտահայտությունը
Բրիտանական Daily Mail տաբլոիդի ընթերցողները զայրացել են խորհրդարանում հեռացող վարչապետ Բորիս Ջոնսոնի հրաժեշտի խոսքերից:
Ջոնսոնը վերջին անգամ ելույթ ունենալով բրիտանական խորհրդարանում՝ հրաժեշտ էր տվել «Asta la vista, baby» (իսպաներեն՝ «Ցտեսություն, մանկիկս») բառերով։
«Ի՞նչ արտահայտություններ են օգտագործում նրանք, որոնց կերպարը պետք է օրինակ լինի և որոնք պետք է ղեկավարեն մեր երկիրը»,-դժգոհություն է հայտնել ընթերցողներից մեկը:
«Նա գիտի, որ իրեն վռնդել են, այնպես չէ՞»,- հարցրել է մեկ ուրիշը:
Ըստ առցանց ընթերցողի՝ Ջոնսոնի երազանքն էր դառնալ վարչապետ՝ լինի դա երեք տարի, թե երեք օր։
«Նրա անունը այժմ պատմության դասագրքերում է: Դա նրա առաքելությունն էր»,- բացատրել է մեկ ուիշը:
«Դե լավ է՝ նա չասաց՝ ես կվերադառնամ», – ուրախացել է մեկ այլ օգտատեր:
«Մեծ Բրիտանիայի տնտեսությունը ոչնչացնելու առաքելությունը կատարված է», – հեգնել է մեկ ուրիշը:
