Օպերայի մոտ Օհան Դուրյանի հիշատակին հուշարձան կտեղադրվի (լուսանկարներ)
Օպերայի և բալետի թատրոնի հարակից տարածքում մտադրություն կա հայ մեծանուն դիրիժոր Օհան Դուրյանի հիշատակը հավերժացնող՝ այս հուշարձանը տեղադրել: Այս մասին ֆեյսբուքյան իր էջում գրել է Երևանի ավագանու անկախ անդամ Իզաբելլա Աբգարյանը՝ հրապարակելով նախագծի լուսանկարները։
«Թեպետ վաղուց հայտնի էր, որ Մաեստրոյի 100-ամյակն է այս տարի, սակայն, կառավարությունից հրատապ կարգով են ուղարկել ավագանու հաստատմանը:
Ուստի ստացել ենք նախօրեին՝ արագ կարգով հարցը հանձնաժողովում քննարկելու:
Մեռա ասելով, որ նման նախագծեր «հրատապ» կարգով, վերջին պահին օրակարգ ներառել չի կարելի:
Լսող չկա:
Նախագիծը քվեարկության կդրվի հունիսի 21-ին կայանալիք նիստում:
Ձեր կարծիքն ինձ համար կարևոր է»:
