Պուտինը հայտարարել է, որ Ռուսաստանը ոչ ոքի չի սպառնում միջուկային զենքով
Ռուսաստանը ոչ ոքի չի սպառնում միջուկային զենքով: Այդ մասին Սանկտ Պետերբուրգի միջազգային տնտեսական ֆորումի ընթացքում հայտարարել է Ռուսաստանի Դաշնության նախագահ Վլադիմիր Պուտինը: Տեղեկությունը հայտնում է ՏԱՍՍ-ը:
Կրեմլի ղեկավարը նշել է, որ Մոսկվան այդ թեմայով հայտարարություններ կարող է անել միայն Արևմուտքի հայտարարություններին ի պատասխան:
«Հենց որ մենք պատասխանում ենք՝ կառչում են այդ հայտարարությունից և ասում են՝ «տեսեք՝ Ռուսաստանը սպառնում է»: Մենք ոչ ոքի չենք սպառնում: Բայց բոլորն էլ պետք է իմանան՝ ինչ մենք ունենք և որ մենք կկիրառենք, եթե անհրաժեշտ լինի մեր պետության ինքնիշխանությունը պաշտպանելու համար», – ըստ Տելեգրամի ռուսական ալիքներից մեկում տարածված տեսանյութի՝ ասել է Պուտինը:
